Adhore Paan Ki Ye Rafta Rafta Takmil Karti Hai sad poetry

ادھورے پن کی رفتہ رفتہ یہ تکمیل کرتی ہے

محبت زندگی کو حسن میں تبدیل کرتی ہے

کبھی سوچا بھی ہے تو نے؟ کہ وہ مغرور سی لڑکی

ناجانے کیوں تیرے ہر حکم کی تعمیل کرتی ہے

نہیں روتی ہے اب وہ بند کمرے میں کہیں گھٹ کر

وہ اپنے آنسوؤں کو شعر میں تمثیل کرتی ہے

سمندر ڈوب جاتے ہیں بنا سوچے، بنا سمجھے

وہ اپنی آنکھ کو جب خامشی کی جھیل کرتی ہے

منور ہوتی جاتی ہے شمع، جب رات ڈھلتی ہے

تیری چاہت میرے احساس کو قندیل کرتی ہے